இமைகள்

நான் பெண் என்பதை மறந்தேன் ... . . . உன் கைவிரலால் நானே என்னை மீட்டிக்கொண்ட போது !...

உன்னுடன் கைகோர்க்கும் சமயத்தில் தோழி எழுப்பியதின் காரணமோ? நீ கோபித்து கொண்டு என் கனவிலும் வர மறுக்கிறாய் ! நிகழும் காலங்களில் கனவுலகம் மட்டுமே எனக்கு சொந்தம் !.. கொடுத்துவிடு நான் வேண்டுவது வேறல்ல !...

ஆயிரம் நட்சத்திரங்கள் வானில் இருந்தும் ஒன்று மட்டும் அழகாய் தெரிவது ஏன் ?... அந்த அழகான நட்சத்திரத்தை நெருங்க துடிக்கும் நிலவு ... நடந்தால் ?... விஞ்ஞானம் மாறினால் ?... நாம் சேர்வது சத்தியம் !

இன்றும் முதல் நாள் போலவே ... ஆச்சர்யங்கள் குறையாமல் ... எந்த எதிர்பார்ப்பும் இல்லாமல் ... நெடுந்தூரம் பயணிக்க இன்னும் நாட்கள் உண்டு ... சேரும் இடம் தெரியவில்லை ... பயணிக்கும் பாதை புரியவில்லை ... நூறு முறை கைகோர்த்தும் சலிக்கவில்லை ... அர்த்தமற்ற பார்வைகள் வீசியும் புரியவில்லை ... படுக்கையில் ஒன்றாய் கிடந்தும் சலனமில்லை ... ஓராயிரம் முறை உன்னை காதலித்தும் திகட்டவில்லை ... உன்மேல் எனக்கு திகட்டாத காதல் !...